Nos supermercados da cooperativa os socios e clientes poden acceder a unha ampla gama de produtos de gran consumo e primeiras marcas a prezos moi competitivos. A gran oferta que concentran estes establecementos permite satisfacer as necesidades de alimentación, limpeza do fogar e coidado persoal de toda a familia.

Ademais, Aira comercializa produtos lácteos propios baixo a marca Deleitar, todos eles procedentes das mellores ganderías dos nosos socios e de orixe 100% galego. O leite empregado para elaboralos é recollido diariamente nas granxas da zona e levado posteriormente á planta de procesamento da cooperativa situada en Melide (A Coruña), onde se produce un leite único no mercado e exquisitos derivados lácteos.

A gama de produtos Deleitar engloba leite pasteurizado enteiro, semidesnatado e leite sen lactosa. Todos eles presentados nun novo envase, 100% renovable, que evidencia o compromiso da marca coa sustentabilidade.

Ademais dos leites, baixo a etiqueta Deleitar comercialízanse diversos produtos lácteos como natas, queixos ou unha excelente manteiga clarificada (manteiga cocida de vaca).